تم بحمد الله تعالى افتتاح مدونة أرض النساء
ووزعنا الشربات وأطلقنا الزغاريد بمناسبه ذلك ومحدش يقولى نصيبى فين
طبعا بعد ما شربت الشربات عاوز تعرف ايه اللى خلانا نحن النساء نقدم على تلك الخطوه الفارقه
فى تاريخ المرأه على كوكب الأرض و الزهره و المريخ بإذن الله
الفكرة في مدونة مجتمع النساء إننا هنعتبرها أرضنا احنا
نحبها تكون عامله ازاي .. مواصفاتها ايه ... ونسائها من أي نوع ؟؟
لكن بتصور عقلاني وواقعي
ونحاول ننقله على أرض الواقع اللى قدامنا
مجتمع النساء لا يعني التعصب ضد الرجال
مجتمع النساء صورة لمجتمع نسائي نموذجي لذلك فمجتمع النساء قد ينتقد المرأة نفسها
الاستضافة مفتوحه لأي إنسان لديه عينان وأذنان وعقل وعنده استعداد للتطور
بنرحب بالآراء والمشاكل والتجارب الناجحة والفاشلة
نتناقش ونتعلم
ونحارب فكرة الاستسلام للأمر الواقع ... والخوف من الاعتراض .. و فكرة خلي المركب تمشي
هي كده كده هتمشي ... بس ممكن تمشي عدل وممكن تمشي عوج
محتاجين يكون عندنا أمل ونثق ف نفسنا و إن التغيير ممكن
التغيير و النهضه ف المجتمع مش هيحصل إلا لما نفهم احنا عاوزين ايه وراحيين فين
لذا هنعتبر المدونة أرضنا اللى مش موجوده على الواقع و هنحاول نوجدها سوا
هانبطل سكوت ونقول بأعلى صوت
فى أرض النساء لينا حقوق هانستعيدها وواجبات هنعرف ازاي نعملها
لينا حياه لازم نعيشها زى ما احنا عايزينها
no more fear
16 comments:
و لو
قشطة جامدة يابت ياثورة انتى وجميلة قطعهوهم شردوهم يلا ربنا معاكم وانا هشجع
خدونى معاكم عااااااا
هأو
تفوا على قبرى لو فلحتوا
هأأأأأأأأأأأأأأأأأأأو برضة
:)))))))
ما تقلنا قبرك فين عشان هانعمل هناك مولد ونلم الناس ونجى نعمل الواجب
أهلا طقهان ومامادو
مالكم زعلانين ليه ؟
هوندا تشرفي .. ولازم نتحالف ونتكاتف عشان معادش قدامنا غير مصير واحد وهدف مشترك
شريف خيري رمز الصمود
ههههههههههههههه
الأخ المجهول
ههههههههههههههههه
لأ يا جميلة عيب .. ده برضو أخ عزيز علينا ولوني مش عارفه هو مين
نفسي أعرف بس هو الناس زعلانين ليه ؟
اتحدوا وهيصوا وافرحوا واشربوا شربات وممكن تبلعوا بجاتوه كمان من الاخر اعملوا الي انتوا عوزينه هيفضل في الاخر الراجل راجل والبنت بنت وهيفضل الرجال قومون ع النساء وهيفضل المسح والتنضيف والطبيخ وتربية العيال هي وظيفتكوا الاولي وتقريبا الاخيره في الحياه
وقول كمان يا أخ اسلاماوى اصدى اسماعيلاوى
اننا هنرجع عادة الوأد عشان نريج دماغنا خالص
اى بنت ندفنها
وكمان نعمل قانون يجلد الست اللى تعمل الشاى لجوزها وتنسى تحط السكر
هههههههههههههههههه
وممكن كمان نرجع عادة انجليزية لما كانت الست بتتباع فى السوق ب 5 بنسات
انا بقول نزودهم شوية
وابقى اعمللى مولد يا بو حريد
وادعيلى والنبى فى نقاط التفتيش
:D
تحياتى لك ولثورة
:P:P:P:P
إسمعلاوي
شكرا .. بنحترم رأيك
بس مش فرد اللى يحدد مصير فرد تاني
كل إنسان هو اللى بيحدد مصيره بنفسه
تحياتي
بجد حلو ان الواحد يعرف حقوقه وواجباته عشان يكون انسان فعال و ايجابي.
أنا من مزنق كوني رجل
فأنا مع المرأة
الرجالة يقعدوا مع الستات
والستات يقعدوا مع الرجالة
جميلة قوي الفكرة يا بسمة
ربنا يوفقك انتي وهدى
دوسوا ربنا معاكوا
بعت حاجة شوفوها عند هدى
الف مبروك المدونة الجميلة دي
وان شاء الله اتابعكم
تحياتي
:)
رشا
شكرا نتمنى متابعتك لينا
حلاوة
انا قريت اللى انت بعته ومررته لجميلة
من ده كتير بقى ... واحنا نموووت فيك
:) هههههههههههه
انا كماااان
مبحبش الرجاااااااله
د/ روفي
منورة البلوج وتشرفيه ف أي وقت
معلش استحملوا واصبروا علي الردود
يمكن العقول تتفتح أو أنتوا تبطلوا تكتبوا
elsinbad
شكرا elsinbad على دعمك الرقيق ده
بس أكيد احنا مش هنبطل نكتب
متخافش علينا
؛)
أرق التحايا
I LIKE IT A LOT
Post a Comment